K.V. de Markoef geit veur goud mit 2 prinse en 1 prinsepaar die uch vastelaovend zölle bringe van begin toet inj! Vriedig 15 novermber rondj de klok van 19.33 oer woor ut de beurt aan de Markoevekids. Nao ein super sjieke äopeningsact kwoom dao te veursjien Tren de Lepper, Tren is de zoon van Denise en Paul en woont same mit zien broor Vinn en twee zuskes al sinds 2019 in Melick. In ziene vrieje tied duit d’r gaer voetballe bie FC Roerdalen, vastelaovend viere bie de Markoevekids. Boete sjpele mit mien vrunj en leuke dinger mit mien femilie doon ving ich ouch super leuk! . Tren geit door het laeve es Markoevekids Prins Tren 1e mit es sjpreuk: MIT MICH AAN DE TOP, VIERE VEER VASTELAOVENS NON STOP !!
Ein uurke later woor ’t de beurt aan de jeugraod om zich klaor te make, om 20.30 oer begóste zie aan heur show, op het hoogtepuntj kwoom dao te veursjien Lise Janssen (14) en Bing Ernst (14). Jeugprinses Lise is de dochter van ózze Erevors Dave & Reina en zuske van zien grote broor Luc. Lise geit door de waek nao ‘t Roer College Schöndeln in Remunj, in ziene vrieje tied duit ’t danse en Chille mit vrunj. Same shoppe dao is ós prinses ouch waal veur te vinge. Lise Kömp oet ein echte vastelaovesfemilie, Pap & Opa zeen Lise al veurgegange és Heersers euver ós sjoon Markoeveriek. Jeugprins Bing 1e is de zoon van Mel en Nicole Ernst en breurke van zien grote zus Dewi. In ’t jaor 2018-2019 is Bing de Markoef al veurgegange es Markoevekids Prins Bing 1e, mit es sjpreuk Lach en Sjpring mit prins Bing! Bing geit door de waek ouch nao ‘t Roer College Schöndeln, in ziene vrieje tied zit d’r bie de sjlaagwerkgroep en jeughermenie van Hermenie Concordia. Ouch sjteit d’r zien menke op zaoterdig es keeper van FC Roerdalen. Jeugprinses Lise & Jeugprins Bing 1ste gaon ’t dit seizoen same doon mit häör Adjes Lara, Suze, Gijs en Noud ónger häöre liefsjpreuk : TÖSSE ROER EN MAAS, BATJES GAEF GAAS !
Later op de aovend kwaam ut ouch biej de grote Markoef toet óntknuiping mit de presentatie van ózze 66e heerser Roy Stemkens, Roy is 35 jaor jóngk en al 7 jaor trotse pap van zien dochter Ivy. In ut dagelijks laeve is Roy wirkzaam bie BRB international in Ittervoort, Ein ongerdeil van Petronas. Roy acteert dao op de aafdeiling Planning & Control. In ziene vrieje tied sjmiet d’r gaer get Pielkes bie DC de Sport, wovan hae ouch Penningmeister is. Eine echte vastelaovesgek höbbe v’r te pakke. Roy is al 19 jaor lid van os sjoon vereniging wo in d’r de benumming toet Ere-Vors dubbel en diek haet verdeend, Extra sjoon is ’t dan ouch om dit te bekrone mit ein Prinssjap. In ’t jaor 2000-2001 is Roy de Markoef al ins veurgegange és Jeugprins Roy 1ste, Toen woor ziene sjpreuk :Mit Roy veuraar, gaon we al daag draan. Dit jaor geit ózze Prins Roy 1e regere same mit zien adjudanten Bram Beek, Kevin Dominikus, Herm Smeets & Rodney Williams onger ziene liefsjpreuk WAEM LACH, DAE LAEF!
Markoef alaaf!
