Mit groot verdreet, maar ouch mit väöl dankbaarheid veur alles wat der veur ós beteikend haet, laote veer uch wete det ós zeer gerenomeerd erelid Jan Janssen (Jantje) is euverleje.

Jantje waas eine carnavalis in hert en nere. Hae is meer es 62 jaor lid gewaes van ós vereniging en veer verleze hie mit neet allein ein markant lid mer zeker ouch ein sjtök historie van K.V. de Markoef.

Ós condoleanses gaon oet nao Annie, kinjer, kleinkinjer en femilie en wunsje häör dan ouch heel väöl sjterkte toe mit dit grote verlees.