Euver ein paar waeke is ’t weer zowiet, dan begint de vastelaovend.
Es carnavalsvereniging zeen v’r natuurlijk vól mit de veurbereidinge bezig zodet veer sjtraks op vriedig 14 november ós nuuj veurgengers kinne presentere. Wie gebroekelik sjtarte v’r mit het veursjtèlle van ós nuuj Markoevekids prinske of prinsesje; det zal róndj 19.30 oer zeen. Get later op de aovend gaon v’r kieke nao waem ós bie de jeug veur zal gaon. Veer gaon ’t jeugprinsepaar oetrope róndj de klok van 20.30 oer. En dan brandj ’t sjpektakel los want róndj 22.00 oer gaon v’r kieke of ze de nuje prins gevónje höbbe en waem dit seizoen de grote prins of prinsepaar is gewaore. Allerlei name gonze al door de lóch maar waem kump noe ech teveursjien? Veer kinne uch zègke det de sjpanning hoog zal oploupe.
Zit alvas vriedig 14 november 2025 in ugge agenda – vanaaf 19.00 oer in Café de Sport in Melick. Kóm en laot uch verrasse!!!

   * Deze aovend waert meugelik gemaak door: Café de Sport en Peter Kroon Fotografie *