21-01-2024 | Receptie Prins Randy I & Prinses Chantal
Categorie: Nieuws
2 Prinsepare & 1 Prinses
De nuuj veurgengers van K.V. de Markoef!!
De Markoef knalt vol ’t nuuj seizoen in mit 2 prinsepare en 1 prinses die uch vastelaovend zölle bringe van begin toet inj! Vriedig 17 rondj de klok van 19.33 oer woor ut de beurt aan de Markoevekids. Nao ein spectaculaire act kwoom dao te veursjien Marjolein van Heugten, Marjolein is de dochter van Anouk en Johan en woont al zien hele laeve op de Bartelsjtraot in Melick. In ziene vrieje tied duit ut gaer voetballe bie FC Roerdalen, vastelaovend viere bie de Markoevekids, zjwumme en sjpelkes op ziene tablet. Boete sjpele mit mien vriendjes en vriendinnetjes ving ich ouch super leuk! . Marjolein geit door het laeve es Markoevekids Prinses Marjolein 1e mit es sjpreuk: Mit voetballe knalle, Noe gaon ich Carnavalle!
Ein uurke later woor ’t de beurt aan de jeugraod om zich klaor te make, om 20.33 oer begóste zie aan heur show, op het hoogtepuntj kwoom dao te veursjien Evi Coulen (14) en Youri Verbeten (16) jeugprinses Evi 1e is de dochter van Dennis & Joke en grote zus van ós aad Markoevekidsprinses Linn. Evi geit door de waek nao BC Broekhin in Remunj, in ziene vrieje tied duit ’t danse, Chille mit vrunj en zit ’t gaer op ziene tillefoon. Jeugprins Youri 1e is de zoon van Roland en Nancy Verbeten en grote broor van zien zuske Kyra. Youri volg de opleiding Wildlife Management bie Yuverta in Helmond . In ziene vrieje tied is Youri te vinje bie Venhof. Hie duit Youri onger angere, Huifkertochte, Sjtel oetmiste en sjteit hae gaste te waord. Jeugprinses Evi & Jeugprins Youri 1ste gaon dit same doon mit häör secondantes Lara, Linn , Kyra en Juul ónger häöre liefsjpreuk : Alles Sjtop, Vastelaovend on top!
Later op de aovend kwaam ut ouch biej de grote Markoef toet óntknuiping mit de presentatie van ós 6e prinsepaar Randy en Chantal Wolfhagen, Prins Randy 1e is 40 jaor jónk en getrouwd mit Prinses Chantal 1e . Same höbbe zie eine zoon Dani en ein dochter Lyn. In ut dagelijks laeve haet Randy zien eige klusbedrijf en wirkt ós prinses es allround manager bie Wee-Play Kinjeropvang. Randy sjpeelt gaer ein sjpelke is lid B.C. Amicia enTraint de JO-9 van FC Roerdale. Ouch Chantal hilt van gezelligheid same mit vrunj en femilie, Häöre gezamelikke vrunjegroep de Meulemen is dan ouch ein erg belangriek deil van häöre vrieje tied. Prins Randy 1ste & Prinses chantal gaon dit same doon mit häör adjudante Erwin Janssen, Roger Beckers, Rick Schreurs en Roy Wolfhagen ónger heure liefsjpreuk: Veer Blieve Plekke
Markoef alaaf!
NACH VAN DE NUUJ VEURGENGERS
Euver ein paar waeke is ’t weer zowiet, dan begint de vastelaovend.
Veer zeen natuurlijk vól mit de veurbereidinge bezig zodet veer sjtraks op vriedig 17 november ós nuuj veurgengers kinne presentere.
Ouch kint geer vanaaf oktober de prinse toto weer invölle, es geer ein vermoede höb kint geer bie ein van ós volgende óngernaemers:
Slagerij Beulen, Cafetaria de Pearsstal, Cafetaria ’t Heukske en Café de Sport de toto invölle. Dit jaor starte v’r weer mit het veursjtèlle van ós nuuj Markoevekids prinske of prinsesje róndj de klok van 19.30 oer. Get later op de aovend gaon v’r kieke nao waem ós bie de jeug veur zal gaon. Veer gaon ’t jeugprinsepaar oetrope róndj de klok van 20.30 oer. En dan brandj het spektakel los want róndj de klok van 22.00 oer gaon v’r kieke of ze de nuje prins gevonge höbbe en waem de grote prins of prinsepaar is gewaore. Veer kinne uch zègke det de sjpanning hoog zal oploupe. Dus höb geer ein vermoede vul in dae toto en veur maar €1,- per sjtum maak geer kans op € 55,-!!!!
Zit alvas vriedig 17 november 2023 in ugge agenda – vanaaf 19.00 oer in Café de Sport in Melick.
Deze aovend waert meugelijk gemaak door Café de Sport en Peter Kroon Fotografie!
Laot uch verrasse!!!
