Bèste inwoners van Melick!
Euver ein paar waeke trèk alweer de grote optoch door ’t dörp.
Doot geer weer mit? Höb geer al ideje of zeet geer al bezig mit de veurbereijinge?
’t Thema vanne optoch dit jaor: ”Vastelaovend, ein theater!”.
Inne Heraut en op Facebook sjtaon de insjriefformulier veur es geer mit wilt doon.Meer informatie volg de kómmende waeke.
Veer winse uch alvas väöl plezeer bie de veurbereijinge.
Besjtuur en optochcomité KV de Markoef
Zaoterdig, 24 Jannewarie sjteit bie de Markoef de Senioremiddig op ’t programma. De zaal bie LACO/Feel Fit Center Roerdalen is aope vanaaf 12.30 oer en ’t programma sjtart óm 13.30 oer. D’r is muziek, zinge, humor en danse. Laot uch verrasse.
Kaarte zeen te koup veur €5,- bie Miranda van Woerkom (06-55754625) – kontant betale – of te besjtèlle via de website: https://www.markoef.nl/winkel/Es geer sjlech ter bein zeet moog geer eine betalende begeleider mitnumme
24 Jannewarie haet de Markoef 2 sjoon evenemente op ’t programma sjtaon. Sjmiddigs is d’r veur de seniore eine middig mit muziek, zinge, humor en danse. Saoves is d’r ’t traditionele buuttegala ”Sjeif Gelache”.
14 December kint geer hieveur alvas kaertjes koupe inne veurverkoup. Dae is bie LACO/Feel Fit Center Roerdalen en doert toet 13 oer.
Kaertjes veur de senioremiddig kint geer vanaf 10.30 oer koupe en koste €5,–. Es geer sjlech ter bein zeet moog geer eine betalende begeleider mitnumme.
De kaarte veur Sjeif Gelache koste €17,50 inne veurverkoup (sjtart ein half uurke later = 11 oer.)
Kint geer dae daag neet dan kint geer ouch via de website besjtèlle: https://www.markoef.nl/winkel/
’T Sjpeel is begosj, de gordiene zeen aope!
Vastelaovend, Ein Theater wirdt uch dit jaor door K.V. de Markoef gebrach mit ein prinsesje, ein prinsepaar en eine Prins, die uch vastelaovend zölle bringe van begin toet inj!
Vriedig 14 novermber rondj de klok van 19.33 oer woor ut de beurt aan de Markoevekids. Nao ein super sjieke äopeningsact kwoom dao te veursjien Lynn Wolfhagen, Lynn is de dochter van ózze Aad Prins Randy I en Aad Prinses Chantal (Wolfhagen). Lynn woont same mit Pap, Mam en zien grote broor Dani op de Sint Servaaslaan in Melick. In de vrieje tied duit ’t gaer sjpelkes, Zich opmake mit vriendinnetjes en maak ’t gaer Tik-Tok filmkes .
Lynn geit door het laeve es Markoevekids Prinses Lynn 1e mit es sjpreuk:
OP DE KOP EN IN BALANS, DIT IS MIEN KANS!
Ein uurke later woor ’t de beurt aan de jeugraod om zich klaor te make, om 20.30 oer begóste zie aan heur show, op het hoogtepuntj kwoom dao te veursjien Marit Hodzelmans (15) en Dean Willems (16). Jeugprinses Marit is de dochter van ós eerste Prinsepaar Sjoerd I & Didi (Hodzelmans) en zuske van zien grote zus en ós tweede Markoevekidsprinses Iza. Marit geit door de waek nao BC Broekhin in Remunj, in ziene vrieje tied duit ’t gaer boekse in Vlorp, aafsjpraeke en chille mit vrunj en dans ’t gaer mit de maedjes van de jeugraod. G’r kint um missjien ouch waal van ’t hélle wírke bie Luc’s Notenbar oppe mert in Remunj, of van de Aethook in Herkenbosj. Marit kömp oet ein ech vasteloavesgezin, Jeugprins Dean 1e is de zoon van Aad Prins Marc I en Desirée en breurke van zien grote broor en Aadadjudant Tygo en broor van zien zuske June. Dean geit door de waek nao de Rooi Pannen in Eindhove wo d’r de opleiding toet zelfsjtening wirkend kok volg. in ziene vrieje tied sjteit d’r zien menke op zaoterdig es keeper van FC Roerdalen en duit d’r gaer leuke dinger mit zien vrunj. Onherkinbaar maar inmiddels erg bekínt is Dean es ‘’SID’’ dé Mascotte van Fortuna Sittard. Ouch ózze jeugprins kömp oet ein echte vastelaovesfemilie. Jeugprinses Marit & Jeugprins Dean I gaon ’t dit seizoen same doon mit häör Adjes Linn, Zoë, Rens en Sef ónger häöre liefsjpreuk :
HASE AAN DE KANTJ, SCEPTERS IN DE HANDJ!
Later op de aovend kwaam ut ouch biej de grote Markoef toet óntknuiping mit de presentatie van ózze 67e heerser Thomas Dominikus, Thomas is 34 jaor jóngk en woont same mit Vivian en Faya aan de Doctor Nolenslaan in Melick. In ut dagelijks laeve is Thomas wirkzaam bie Excellent Fulfilment & Services in Herte. Hie is Thomas verantwaordelijk veur ’t in de loch haaje van de systeme en ’t ontboarde van nuuj opdraaggaevers. In ziene vrieje tied sjmiet d’r gaer get pielkes bie DC de Sport en is hae jeugleider bie FC Roerdalen. Eine echte vastelaovesgek höbbe v’r te pakke. Thomas is dit jaor precies 22 jaor lid van os vereniging, Extra sjoon is ’t dan ouch om dit te bekrone mit ein Prinssjap. In ’t jaor 2005-2006, precies 20 jaor geleje is Thomas de Markoef al ins veurgegange és Jeugprins Thomas I, Toen woor ziene sjpreuk :Neet Kalle, Knalle. Dit jaor geit ózze Prins Thomas I regere same mit zien adjudanten Vivian de Bruin, Ann Dominikus, Danny Bongers en Geert Heldens onger ziene liefsjpreuk: WACH NEET TOET MORGE!
Markoef alaaf!
